Instituto Biba Saludabel y Activo (IBiSA) a cuminsa cu e preparacion pa un edicion masha special di su actividad Aruba Activo, cu e aña aki ta marca un momento historico: 50 aña di IDEFRE – IBiSA.
E actividad aki lo bay tuma lugar dia 27 di september 2026, for di 5:00 am pa 9:00 am lo tin actiidad di Caya Activo y 9:00 am pa 7:00 pm lo tin Aruba Activo edicion 50 Aña di IDEFRE – IBiSA.
Pa prepara e actividad grandi aki, trahadornan di IBiSA a reuni recientemente pa coordina y planea tur e aspecto di e evento. E reunion nan ta forma parti di e preparacion pa un dia yen di actividad, cu ta enfoca riba movimiento, deporte, salud y un estilo di bida activo.
Pa e edicion special di Aruba Activo, IBiSA ta preparando un programa varia, den cual publico di tur edad por participa y disfruta.
Entre e actividadnan ta inclui diferente disciplina deportivo, demostracionnan, un feria di salud, bienestar y actividadnan pa stimula un estilo di bida mas activo.
Un otro aspecto importante di e evento ta e promocion di alimentacion saludabel.
Durante Aruba Activo lo tin oportunidad pa publico conoce como tambe disfruta di cuminda y producto saludabel, cu lo ta disponibel pa benta durante e actividad.
IBiSA ta bay comparti mas informacion den diana nos dilanti
E edicion di 50 aña IDEFRE – IBiSA ta representa un momento special pa e instituto, cu durante cinco decada a dedica su mes na promocion di actividad fisico, deporte y salud pa e comunidad di Aruba.
IBiSA ta invita comunidad pa keda pendiente pa mas informacion y pa hunta cu nan na e celebracion special di Aruba Activo.
