Mediateca escolar ta duna servicio na scolnan. Meta principal ta pa yuda scol, maestro y
educadornan pa duna mucha acceso na buki pa nan por desaroya nan habilidad di
lesamento como herment pa compronde texto y como pasatempo. Biblioteca ta percura pa
tin un coleccion di buki na scol mes y tambe den klas. Biblioteca ta fia buki di diferente nivel
na scol y klas, for di kleuter te cu ciclo basico. E enfasis ta riba e herment pa sostene
educacion y promove e placer di lesamento cerca e muchanan. Tambe nos ta yuda
mantene e coleccion actualisa y den bon estado.
Ta ofrece diferente tipo di coleccion:
Wisselcollectie: 10 buki pa un luna
Projectcollectie: 15 buki tocante di un tema specifico
Klassenbibliotheek: 30-45 buki pa un periodo di 3 pa 6 luna
Mediateca escolar ta mantene un bon cooperacion y comunicacion cu scolnan. Na 2023 a
haci un inventarisacion bou 70 scol basico. 31 ta indica cu nan tin un biblioteca escolar
activo. Tin 13 scol cu tin un biblioteca pero no ta activo awor aki. 23 scol tin un coleccion di
buki den klas. 12 scol ta preparando pa habri un biblioteca. 27 scol no tin biblioteca. 7 scol
no a participa na e inventarisacion preliminario aki. Total di scolnan cu no tin un biblioteca
escolar ta 39.
Por lesa mas di nos servico aki. Scol of docente cu ta busca sosten pa medio di un
coleccion di buki por tuma contacto libremente cu Mediateca escolar. Biblioteca Nacional
Aruba su seccion Mediateca Escolar ta na George Madurostraat # 13 of pa mas informacion
por yama # 528 1500 y #528 1530 of email sra. Valerie Figaroa na valerie@bna.aw