PoliticaFeatured

Minister Oduber y Minister Tjon a haya presentacion di e proyecto “Digitaliseren Horecavergunning Process”

Pic Digitalisacionhorecavergunning.1

Diahuebs mainta minister di Turismo & Salud Publico, sr. Dangui Oduber conhuntamente cu minister di Husticia y Asuntononan Social sr. Rocco Tjon a haya un presentacion den cuadro cu e proyecto di digitalisacion di horecavergunning. E proyecto aki a cuminsa October aña pasa conforme maneho pa elimina red tapes, trese tranparencia y ahelisa e proceso unda ta duna permiso na hotel y F&B. 

Pa hopi aña caba e proceso pa permiso den sector di horeca tabata tin su dificultadnan y tabata un proceso largo pa cana. Esaki hopi biaha ta haci e caminda pa negoshi mas fastioso. Debi na esaki, aña pasa a cuminsa cu e proyecto caminda lo a digitalisa y optimalisa henter e proceso di permiso di horecavergunning.

 Durante e trayecto aki, tur e institucionan concerni manera KPA, brandweer, DWH y DWJZ lo haña workshops pa siña con pa implementa e innovacion aki. E intencion ta pa bai live den luna di April 2023, pues na e momento cu bay live, tur proceso di haci peticion te dunamento di permiso lo bai completamente digital. Conhuntamente cu e departamentonan, a revisa e workflow y awor den luna di maart lo cuminsa cu workshops pa asina bai live April.

Minister Oduber ta orguyoso di mira e inovacionan aki y ta spera cu e cambio ta uno positivo pa e sector di turismo y salud publico. Sigur esaki ta un stap pa haci e procesonan di permiso den e sector di horeca mas eficiente. Sr. Oduber ta gradici tur e departamentonan cu ta participando den e proyecto aki pa asina por implementa e digitalisacion y ofrece un mihor producto pa Aruba.

Pic Digitalisacionhorecavergunning.4Pic Digitalisacionhorecavergunning.3Pic Digitalisacionhorecavergunning.2

Related posts

AHATA Excellence Awards 2022 a honra 40 empleado sobresaliente pa nan dedicacion

EA News Author

Cumpra bo tapaboca certifica y protega bo mes y bo sernan keri

EA News Author

Acto di burdugo haci pa ex miembro di partido MAS Alberto Groeneveld

EA News Author

Leave a Comment

Whatsapp Message