Ta parce cu e minister amateur Gerlien Croes no ta caba di pega barco, den su sed di vengansa pa tur loke cu e gobierno anterior a haci. Hasta contra profesionalnan cu pa nan mala suerte a wordo nombra door di e gobierno anterior di Evelyn Wever Croes. Su victima e biaha aki tabata Sabine de Groot, un profesional den su area cu el a dicidi di kita.
Croes no tabatin ni piedad di e profesional aki cu ta mama soltero cu dos yiu adolescente cualnan su so ta percura pa nan y tampoco p’e hecho cu e tin un hipoteca pa paga.
Tur cos a cuminsa cu a firma e contracto aki den periodo cu e gobierno tabata demisionarop. Pero di otro banda de Groot no ta un persona cu a aparece di repente pa haya un contracto. E tabata traha cabana Enseñansa pa Empleo., Pero den otro funcion.
Gerlien cu ta un persona cu no ta mira nada bon, si no ta bini di dje, a topa cu e caso aki y a dicidi pa ordena finalisa e contracto cu un luna di aviso y cu entrante 1 di augustus Sabine de Groot ta keda sin trabou, pasobra e otro posicion cu e tabata tin a renuncia nba dje.
E titulo di mr. cu Gerlien tin ta parce por nada. Pasobra el a dicidi di core cu Sabin de Groot solamente pasobra ta un contracto cu a cuminsa na februari, sin averigua nada mas. E no tabata sa cu e tabata traha caba na Enseñansa pa Empleo y cu tabata existi e posicion ey habri. Unicamente cos ta cu e tabata conoci den gobierno so cu tin e posicion eyhabri. No a publica esaki ainda.
Pero tambe hues a ranka orea di minister Gerlien pasobra a bisa cu ministro no a tuma ni tempo pa topa cu Sabine de Groot p’e wak si nan por traha hunto. El a djis tuma un decision. Y aunke cu gobierno no a firma e contracto, e señora a haya su salario for di februari te cu luna di juli.
Awo corte a bisa cu mester lage traha y gobierno ta core riesgo di mester paga 250 mil florin si no respeta e decision aki. Y mester lage traha di biaha.
Ta tristo pa mira con un minister ta purba deshaci di decisionnan di gobierno anterior sin mira con nan ta perhudica den e caso aki un mama soltero cu semper a haci un bon trabou. Ta curioso pa sa kico Ministro Gerlien Croes ta bay bisa of haci awo cu su maneho di persecucion.
