BonaireInternacional

Overseas countries and territories youth network Boneiru 2023

Internationaldeskyth2.3

International Desk di Boneiru ta buska hóben entre 20 i 28 aña pa forma parti di e grupo di representante pa Boneiru den e proyekto oropeo di Overseas Countries and Territories Youth Network, tambe yamá OCT YN.

OCT YN ta un inisiativa di Union Oropeo pa promové kolaborashon entre hóbennan di Paisnan i Teritorionan Ultramar (PTU). E grupo internashonal di hóben ta konsistí di hóbennan di Boneiru, Kòrsou, Aruba, Sint Maarten, Saba, Statia i shete otro isla mas rònt mundu ku ta pertenesé na Oropa. 

Komo representante boneriano di OCT YN, e hóben ta haña oportunidat di representá su isla na Brussel, Bélgika. Durante e oportunidat úniko aki, e hóben lo amplia su ret ku hóbennan rònt mundu. 

Aña pasá, durante e promé aña ku nan a organisá OCT YN, dos hóben a representá Boneiru. Mitch de Palm ta un hóben ku ta traha na Instituto pa Deporte Boneriano (Indebon) komo Konsehero di Maneho di Deporte pa Direktorado di Komunidat i Kuido. Durante su eksperensia komo representante di OCT YN pa Boneiru, Mitch a siña ku kambio struktural i positivo ta pasa solamente den kolaborashon ku otro, riba nivel lokal i internashonal. Michélin Padmore ta un otro hóben ku a representá Boneiru den OCT YN. Michélin ta trahando komo ‘trainee’ na Asuntunan Ekonómiko. Sigun Michélin, e eksperensia tabata uno ku a habri su wowonan. 

E meta pa e aña aki ta pa mas hóben partisipá. Si abo ta un hóben entre 20 i 28 aña, nos ke enkurashá bo pa inskribí. Si bo konosé un hóben den e edat akí, enkurash’é pa e partisipá. Inskripshon ta fasil.  

Subi riba e wèpsait: https://ec.europa.eu/eusurvey/runner/OCT-YN-Call-for-Applicants-2023 i yena bo informashon. Inskripshon ta habrí te dia 22 di mei. Despues di un ròndu di entrevista, lo skohe e representantenan pa Boneiru di OCT YN pa aña 2023/2024.

Pa mas informashon, manda nos un email na internationaldesk@bonairegov.com.

Internationaldeskyth1Internationaldeskyth3

Related posts

Op Aruba, Curaçao en Sint Maarten registreren voor het kiescollege niet-ingezetenen voor de Eerste Kamer

EA News Author

A konfirmá kaso probabel di Monkeypox na Kòrsou

EA News Author

Kingdoms under the sun ta celebra 20 aña di aniversario

EA News Author

Leave a Comment

Whatsapp Message