E Sentro di Reskate i Kordinashon di Wardakosta a haña un yamada djaluna anochi di famia di un piskadó ku lo no a regresá kas bèk atardi di laman. E famia di e piskadó a tuma kontakto ku Wardakosta pa hasi un yamada pa un búskeda i reskate di nan famia riba laman. Wardakosta a
dirigí e avion Dash, e helikòpter i un patruya na Boneiru pa mesora hasi un búskeda di e piskadó i su boto Flipper. E Sentro di Rescate i Kordinashon di Wardakosta a saka un notifikashon pa barkunan riba laman den bisendario pa nan tambe tin un ‘sharp lookout’ pa e boto perdí. Wardakosta konhuntamente ku partnernan na Boneiru i piskadónan lokal ta trahando duru pa lokalisá e piskadó perdí mas lihé posibel.