Diasabra 11 di januari 2025 a start sali e prome Parada di Aruba su Carnaval 71. Presente tabata tey tur e Reinanan y Prins cu pancho infantil, hubenil y grandi presente y CEO di ATA Ronella Croes hunto cu presidente di SMAC Darrel van Ommeren cu a cende e flambeu y di e manera aki e prome parada di Aruba su Carnaval 71 ta start Sali. Presidente di SMAC ta indica cu e aña aki a dicidi di honra tur nan sponsornan y den e caso aki Aruba Tourism Authority A.T.A cual tin 10 anja consecutivo cu ta apoya SMAC for di 2014. Pesey mes ta un honor pa SMAC cu CEP di A.T.A Ronella Croes por duna inicio na e parada di Flambeu.
Pa CEO di A.T.A Ronella Croes ta indica cu casi e ta un deber pa oficina di turismo duna su aporte na Carnaval di Aruba , e aporte aki a keda haci for di comienso caba promedio di SAC y awor promedio di SMAC. Sinembargo banda di duna aporta na SMAC tambe A.T.A ta duna su aporte na e musica di Carnaval y tambe di hopi otro maneranan pa contribui na Aruba su Carnaval. E mensahe ta keda pa gosa di Carnaval Positivamente y na mes momento ta spera cu nos bishitantenan tambe por gosa di e temporada aki y A.T.A lo percura pa e evento di mas grandi di e temporada di Aruba sigui promove Aruba debidamente.