Nelly Rosa, periodista i ‘queer’ aktivista, resientemente a duna Representante di Hulanda na Kòrsou, Aruba i Sint Maarten un gira den Otrobanda, kaminda e la pasa dilanti vários lugá ku ta relatá na e historia riku di e komunidat ‘queer’ di Kòrsou. “Asina mi kier a dun’e un bista di e historia riku di e kultura gay riba e isla, kon bunita esaki ta i ku tin hopi poder den esaki”, asina Rosa ta bisa. E ‘queer tour’ awor ta den e fase di preparashon, pero Rosa a duna Representante di Hulanda, Erwin Arkenbout, un ñapa. E aktivista ta organisá diferente otro gira kaminda na un manera úniko e ta asentuá e historia spesial di Otrobanda. “Nelly ta un tremendo guia ku fásilmente sa di kaptivá su oudiensia”, asina e Representante di Hulanda ta bisa.
