A implementa diferente mehoracion na e facilidad di procesa sushi desde inicio di maart. Representantenan di Cadwell Inc., e compania di Florida cu ta asisti e entidad publico di Saba den e area di Waste Management, a entrega personal riba con pa separa di forma adecuado e sushi y con pa mehora e proceso. Cu aumento di e sushi reciclabel y no-reciclabel, e cantidad di sushi di cas a wordo reduci cu lo trece menos kimamento di sushi.
Cu e procesonan nobo, e team di e facilidad di procesa sushi por a reduce e kimamento di sushi residual den e incinerator di aire di 4 of cinco biaha pa siman na un anochi den siman, e Comisionado di Infrastructura Bruce Zagers a duna di conoce. Mirando cu mayoria di e sushi cu ta wordo kima ta organico, e ciclo di kimamento ta hopi mas limpi resultando den menos emisionnan y loke cu ta bay den aire ta mas limpi.
Materialnan disposable di plastic no ta wordo kima mas den e air burner. Un averahe di 40 saco grandi di e plasticnan pa siman ta wordo saca ora cu sortea e sushi. Normalmente, esakinan ta wordo kima, pero awor ta bay pa exportacion y ta procesa esaki den un planta na Zuid Florida.
E siman aki ta spera yegada di ocho container pa transporta e sushi acumula durante e aña’ki por wordo saca di e isla. Segun calculonan haci anteriormente, un of dos container cada dos siman lo ta bnecesario pa saca e bultonan di plastic cu no ta kima nan. Esaki no ta inclui e otro tipo di sushinan cu normalmente ta wordo saca di e isla tambe, manera meta, tire, etc.
Ademas di e mehoracionnan, a cumpra un balansa cu lo uza pa genera estadistica cu ta mustra e grandi di volumen di sushi cu ta drenta, pa di e forma aki tuma miho decision den e maneho di sushi.
Banda di esaki, ta evaluando compra di un shredder commercial mas grandi. Lo uza e mashon aki pa kibra tur material manera tubo, tire, mashinnan, etc. Cu un e mashin di chipper por palo procesa por wordo saca for di e proceso di kimamento di sushi, cu ta un stap mas pa haci e proceso di kimamento di sushi uno mas limpi.
1 comment