Korsou Lo ehekutá un Kampaña grandi di Firma kontra COHO

Movementu Kousa Promé huntu ku Fundashon Pa Derecho Humano Kòrsou, Plataforma di Pueblo i algún aktivista a será un kombenio di prinsipio pa forma un unidat pa ehekutá un Kampaña grandi di Firma kontra COHO. E kampaña ta dirigí riba tur siudadano, espesialmente esnan ku a voto dia 19 di mart último kontra COHO. Ku su firma e votadó di 19 di mart último ta rekonfirmá su rechaso di COHO. E firmanan ta prueba ku den pueblo definitivamente tin sostén pa e eksigensia pa Gobièrnu i Staten rechasá COHO.

E Akshon di Firma ya a ranka sali riba kayanan di Kòrsou. Ora bo mira e grupo di Akshon aserká nan i basha bo firma pa kaba ku COHO.

Nochi di Informashon

Djárason dia 29 di sèptèmber e grupo di akshon lo ta na Sentro di Bario Santa Maria ku un anochi di informashon kombiná ku oportunidat pa firma kontra COHO.

Oradónan ta: drs. Hubert Scherptong i mr. dr. René Rosalia

Orario: 7 or pa 9.30 or anochi na Sentro di Bario St. Maria

Entrada ta grátis

Kòrda ku “Den mas brisa, mas godèm”

Bin partisipá i basha bo firma, pa dera COHO

Fundashon Pa Derecho Humano Kòrsou, Plataforma di Pueblo i Movementu Kousa Promé ta warda bo.