Tur cos ta practicamente cla e prome evento grandi di Sidney Ponson Charity Foundacion: 1st Annual Aruba International Wahoo Shoot Out cu ta tuma luga riba diasabra, 4 di december.
Inscripcion pa e torneo aki ta cera dia 22 di november awo.
Mientrastanto organisadonan por informa cu tur trofeo y plakkaat pa e torneo aki ta cla caba, sperando pa wordo entrega na esnan cu a logra un di e dies premionan cu e torneo aki ta duna. Esnan interesa por registra y manda nan datonan pa: sidney.spcf@gmail.com of na carlmichael.spcf@gmail.com of na 5944326 inscripcion ta costa 1000 florin. Tin e posibilidad pa haci esaki den diferente pago cu mester completa no mas laat cu 22 november.
Tin seis trofeo pa e prome tres luganan den categoria di botonan chikito, bou di 32 pia, y categoria grandi cu ta riba 33 pia. E premionan ta 6 mil, 4 mil y 2 mil (pa 1er, 2do y 3er luga den ambos categoria. Banda di esaki tin un plakkaat y 500 florin pa e wahoo, kingfish, dorado y barracuda di mas grandi gara.
