Awe mainta alrededor di 09:45 e Sentro di Reskate di Wardrakosta a risibi un notifikashon di polis ku un kayaker a deskubrí un kurpa den Palunan di Mangel na entrada di Piscadera. Polis a pidi asistensha di Warda Kosta komo ku no por a alkansá e kurpa for di tera. Mes ora a manda un Metal Shark pa yuda saka e kurpa. Bou di instrukshon di e kayaker e tripulante di e Metal Shark a lokalisá e kurpa anto a tresé tera pa despues entrega esaki na Polis. Lo sigi ku investigashon den e kaso aki.
Kayaker ta hanja kurpa sin bida den Pali Mangel
