E conocido productor di musica yiu di Kòrsou e talentoso hoben Siki Martina a keda cruelmente asesina na Hulanda. No ta conosi ahinda kico ta e motibu. Pero Polis nan na Hulanda ta haciendo investigacion.
Informacion cu a ricibi ta indica cu alrederor di 8:30 pm (ora Hulandes) polis a haya un melding cu tin un tiroteo. Tesigonan a tende 5 tiro di arma di candela na metro station na Coolhaven Rotterdam.
Tambe por a mira un auto color preto sali cu velosidad halto y bay for di e sitio unda cu e asesinato a tuma luga. Na yegada di Polis a tuma nota di e hoben yiu di Korsou drumi abou ku 5 perforacion di bala na su curpa. A pidi asistencia di ambulance pero na nan yegada ya no por a haci nada mas pa e musico.
Mesora a bay over na cera full e sitio pa asina cuminsa cu investigación pa asina por saca afo kico realmente por a pasa na e sitio y tambe kico por a causa cu a asesina un persona di e manera aki. Polis nan ta trahando duro pa asina por pone man tambe riba e personanan cu a ocaciona e asesinato , pero tambe e auto misterioso cu a bay cuun velosidad halto asina cu e asesinato a tuma luga.
Siki Martina tabata producer di varios rapper na Korsou y Hulanda entre otro Rich Kalash, Boechi, Dezz, Sixteen etc. E la gana diferente premio nan na Hulanda y Belgika como miho productor. Condolenci y forsa na famia.