Nigel Maduro a demonstra cu un tiki verf cu e palabranan βπ‘π’ π π’π₯π ππ’π§πππ¦β por nifica hopi. Pa minister Xiomara Maduro e tiki verf ey ta nifica βboycotea nos Paisβ. Segun minister Dangui Oduber e tiki verf ta un atentado contra turismo y pβesey βun acto inacceptabel y condenabelβ. Segun prensa e ta vandalismo. Pero e indignacion di abogado Dello Gomez ta gana e premio mayo. Riba Facebook el a ππ’π΄π© π°πΆπ΅ na Nigel insinuando cu ta trata di un cobarde cu ora e ta wordo gara pa polis ta yora βexpresion artisticoβ. Dello ta sigui bisa cu βtur hende riba e pida baranca aki mester tene su mes na ley of carga e cosequencianan.β
Un abogado manera Dello mester sa miho! Al fin y el cabo Ministerio Publico (officier van justitie) mes ta dicidi si ta bay persigui un hecho castigabel. E privilegio ey Ministerio Publico tin a base di e βopportuniteitsbeginselβ. Na final di dia ta hues tin e ultimo palabra si un hende mester carga e consecuencianan di un acto penal.
Kisas Dello no ta corda e dia cu ciudadanonan preocupa a gara DOW manera un ladron den anochi ta habri e sluis di Bubaliplas. Esaki a sosode un paar di meter leu di unda Driekiel ta. E anochi ey mi a subraya con criminal e ta pa basha awa contamina den lama poniendo bida di hende y bida maritimo den peliger. Na unda Dello tabata pa acusa gobierno di cobardia of di un acto inaceptabel y condenabel? No ban lubida cu ta hustamente turismo descontrola a multiplica produccion di pupu exponencialmente, causando cu e RWZI ta den rementa. Ta bon pa Dello mira con e mal maneho di e incinerator na Parkietenbos ta causa cu desperdicio medico ta acumula te na dak di un edificio cu ta situa den un bario na unda hende ta biba, mucha ta hunga y trahadornan ta traha. E acumulacion di e desperdicio medico aki ta un crimen contra e hendenan di e bicindario.
Na 2021 Anouk Balentina a entrega denuncianan na Ministerio Publico encuanto e molester di dump y e incinerator, cu a drenta na uzo e aΓ±a ey. Mescos cu Dello ta haci awe contra Nigel, e tempo ey Anouk a haci. El a demostra na Ministerio Publico cu tabatin un hecho castigabel. Sin embargo Ministerio Publico no a sali na defensa di hendenan cu ta core peliger di tur tipo di infeccion, cancer y malesanan respiratorio. Ministerio Publico a pone interes di nos cumunidad un banda y a literalmente informa seΓ±ora Balentina cu Ministerio Publico no lo duna boet pa e hecho cu a viola ley penal door di laga e dump funciona sin un hindervergunning. Pa hustifica cu autoridadnan na e pais aki no mester βcarga e cosequenciananβ Ministerio Publico a bin cu yen argumento ridiculo, manera e hecho cu gobierno a laga dump funciona 34 aΓ±a largo sin hindervergunning. Un bunita gesto di parti di Ministerio Publico na e partidonan berde cu geel cu a goberna desde nos Status Aparte. Hasta nos minister di naturalesa a haya un π΄π©π°πΆπ΅ π°πΆπ΅ di Ministerio Publico. Asina Ministerio Publico a para riba su punto cu aunke a viola ley penal no lo castiga, pasobra castigo lo no soluciona e problema di dump y di e habitantenan di Parkietenbos.
Pa motibo cu autoridadnan no ta worry, e tiki verf cu Nigel a spray ta nifica un bos pa un grupo creciente den nos comunidad cu ta harta di e crimennan contra nos pueblo y contra nos medio ambiente. Un bos pa vocifera cu no tin husticia pa e victimanan di cancer pa motibo di schimmel den edificionan di gobierno. Un bos pa e mucha cu a perde un pia pa motibo di un ATV, pa e turista Mericano cu mester a amputa su pia pa motibo di awa contamina y un bos pa e mayornan cu mester a mira con nan yiu diΒ diestres aΓ±a a perde su bida decapita den awa pa un atraccion turistico. Finalmente e palabranan βπ‘π’ π π’π₯π ππ’π§πππ¦β ta un bos pa Driekiel mes, hunto cu nos coralnan y demas bida maritimo cu ta mira con un turismo descontrola ta matando y destruiendo e lugar cu nos kier yama nos cas.