Miembronan di Konseho Sosial Ekonómiko di Kòrsou (SER) ku ya pa algun tempu ta wardando riba nan dekretonan gubernamental ku ta formalisá prolongashon ku forsa retroaktivo di nan renombramentu, lo risibí esakinan pronto. Promé Minister di Kòrsou sr. Gilmar Pisas (MFK) a yega na palabrashonnan konkreto riba esaki ku direktor i sekretario general di SER drs. Raul Henriquez. E proyektonan di e dekretonan gubernamental pa algun tempu kaba ta seka gobièrnu di Kòrsou i lo ser pronto aprobá dor di Konseho di Ministernan pa nan por drenta na vigor ku forsa retroaktivo.
Sr. Henriquez tambe a presentá na Promé Minister Pisas un proposishon pa un kuadro di maneho sosio-ekonómiko a base di kua órganonan gubernamental por uza ora nan ta trahando riba proyektonan di lei ku un karakter sosioekonómiko.
