Tourism Corporation Bonaire (TCB) ta kontentu di por anunsiá ku Boneiru a aparesé den Caribbean Travel Awards 2023 di Caribbean Journal, e prestigioso selebrashon di ekselensia den industria di biahe karibense.
Nan a proklamá Boneiru komo Destinashon Inovativo di Aña pa motibu di su aspirashon pa yega na sostenibilidat (Bonaire Bond) i inovashon (impuesto di turista / esfuersonan relashoná ku ‘branding’).
Tambe nan a proklamá Brass Boer komo Restorant Karibense di Aña. No ta un sekreto ku Boneiru a bira un destinashon kulinario tòp, i Brass Boer ta e hoya riba e korona: e promé establesimentu karibense di e restorant hulandes ku nan a koroná ku tres strea di Michelin, De Librije, ta kana dilanti den loke ta posibel den un restorant karibense i e ta un di e mihó eksperensianan kulinario na mundu.
‘E di 23 edishon di Caribbean Travel Awards ta selebrá rekonosementu den 21 diferente kategoria, kaminda ta pone atenshon riba e ‘hotspot’-nan, esunnan ku ta hasi e diferensia i e motibunan pakiko nos tur ta stima e área karibense asina tantu, manera nos redakshon a selektá esakinan’, segun Alexander Britell, redaktor i editor di Caribbean Journal. ‘Masha pabien na tur ganadó: boso a risibí e rekonosementunan anual di mas haltu pa loke ta trata tur biahe karibense i boso trabou ta representá e punto kulminante di ekselensia karibense.’
