Djamars último durante un seremonia kòrtiku Water- en Energiebedrijf Bonaire (WEB), a anunsiá plannan pa e ofisina prinsipal nobo.
Komo konsekuensia di e kresementu kontinuo di poblashon i kresementu di e sektor turístiko rekreativo, invershon den un konstrukshon nobo ta bira nesesario. WEB tin mas ubikashon di espasio pa kantor. Algun bou di propio maneho i otronan na hür. Pa mehorá e efisiensia, den futuro lo uni diferente departamentu ku na e momentunan aki ta ubiká na diferente lokashon.
Mas inteligente i efisiente
Banda di e kresementu aktual, e espasio na Kaya Gresia tambe ta un motibu ku a kondusí na buska un ubikashon nobo. Debí na e ubikashon sentral i e tereno ku karakter di kalidat haltu, WEB a yega na Kaminda Djabou. Einan lo realisá e ofisina prinsipal nobo ku ta pas ku e plannan futuro di WEB. E edifisio nobo mester tin akseso fásil pa klientenan, ofresé sufisiente lugá pa stashoná outo, un bon ambiente i sufisiente espasio pa empleadonan.
Kla pa futuro
E edifisio ta resistente pa orkan, liber di mantenshon, flèksibel ku posibilidat pa sigui integrá elementonan sosteníbel.
Plan i diseño
E arkitekto di e proyekto ta Roxsen Schwengle-Ras di Streefkerk Architecten. Segun e diseño, e edifisio ta ser ehekutá ku un sistema di konstrukshon tradishonal (betòn i trabou di mètslá) betòn kombiná ku glas dòbel i dak di betòn. BONNED komo kontratista lo sera e tereno promé ku periodo di fakansi, i na yanüari 2023 lo kuminsá ku e trabounan di konstrukshon.
