BonaireFeatured

Boneiru ta organisá su promé Yoga & Wellness Festival anual na aña 2023

Boneiru Ta Organisa Su Prome Yoga Wellness Festival Anual Na Ana 2023......

E Yoga & Wellness Festival ta dura di 19 pa 25 di yüni 2023

Boneiru a anunsiá un eksitante festival nobo pa e industria di yoga, wellness, salú i bienestar. Tourism Corporation Bonaire (TCB) den kolaborashon ku Bindu Yoga i e sektor di wellness ta organisá e promé Yoga & Wellness Festival for di 19 te ku 25 di yüni 2023.

E festival ku ta dura un siman ta yená ku dos ‘retreat’ di yoga na enkargo di e dosente renombrá di Ashtanga yoga i influensiadó Laruga Glaser, i dosentenan lokal di yoga ku ta enfoká riba sanashon suave i positividat, i tambe ku programanan di tratamentu di yoga i wellness ku ta kubri henter nos isla na enkargo di partnernan partisipante na Boneiru, entre otro restorantnan i hotèlnan ku durante e siman akí tin un oferta spesial. E kategorianan di e programanan di tratamentu ta enserá sanashon, rehubenesimentu, relahamentu i eksplorashon. Riba e último dia tin un festival di yoga kaminda bishitantenan por partisipá na yoga, meditashon i tayér di fitness, músika, komementu i otro aktividatnan di wellness. 

Dia 13 di desèmber Bindu Yoga i su tim konhuntamente ku TCB a organisá un enkuentro ku e fasilitadónan den sektor di wellness pa presentá e plan di e Yoga & Wellness Festival pa e aña binidero. E sala tabata yená ku entusiasmo di e partnernan ku no por warda pa traha huntu i partisipá na e festival. 

‘Organisashon di un festival anual di yoga i wellness ta un forma fantástiko pa promové nos isla komo un destinashon di primera klase pa salú i bienestar. Esaki ta krea oportunidatnan nobo di merkado pa empresanan den industria di yoga, wellness, salú i bienestar i tambe pa e industria di ‘health food’ i ‘lifestyle’ ku tin un laso natural ku e sektor akí’, según Miles Mercera, direktor di Tourism Corporation Bonaire.

Den e simannan binidero TCB ta lansa un ‘landing page’ riba www.BonaireIsland.com ku mas informashon tokante e festival.

Partnernan na nos isla ku ta interesá pa partisipá na e festival por tuma kontakto ku Tara Ubachs via email riba tara@binduyogabonaire.com  òf marketing@bonaireisland.com

Boneiru Ta Organisa Su Prome Yoga Wellness Festival Anual Na Ana 2023..Boneiru Ta Organisa Su Prome Yoga Wellness Festival Anual Na Ana 2023

Related posts

Kayaker ta hanja kurpa sin bida den Pali Mangel

EA News Author

Minister Endy Croes: Maestronan di movecion y salud ta participa den cuater (4) dia di training di “Leefstijl”

EA News Author

Minister Maduro a reuni cu comision fiho di finansa y economia riba BBO na frontera y simplificacion di tarifa di impuesto riba importacion

EA News Author

Leave a Comment

Whatsapp Message