LocalFeatured

Peticion di permiso ta cuminsa cana despues cu e pago wordo registra

Dimas

DIMAS ta recorda su clientela cu e peticion di permiso ta cuminsa cana na momento cu e registracion di e pago di e peticion a wordo registra.

Departamento di Integracion y Maneho di Stranhero a tuma nota di un trend tumando lugar y cu cada bes ta birando mas grandi. Hopi cliente cu a entrega nan peticion di permiso a ricibi nan orden di pago, pero ta keda sin paga esaki of ta paga parcialmente.

Pa evita cualkier inconveniencia of tardansa cu por surgi DIMAS ta conseha su clientenan pa cumpli cu e pago di e peticion di permiso di forma corecto y dentro di e termino stipula riba e orden di pago.

Clientenan cu a ricibi un orden di pago por monitor e status di nan peticion uzando e website di DIMAS www.dimasaruba.aw door di hinka e number di CRV (cu ta aparece riba e orden di pago) den e tracker. Si e status di e peticion ta indica “Inname”, esaki kiermen cu Departamento di Impuesto ainda no a ricibi of administra e pago di e peticion y DIMAS ta wardando riba esaki ainda pa por continua cu e proceso di e peticion.

Related posts

Parlamentario Mike Eman: Grafico di Rapport di Banco Central ta papia pa su mes

EA News Author

Mama un so tin

EA News Author

Alumnonan di Filomena College MAVO cu pasantia

EA News Author

Leave a Comment

Whatsapp Message