Movementu Kousa Promé ta anunsiá boutismo di e manual pa edukashon emansipatorio titulá: “Fundeshi di Kambio”. Den e manual aki ta bini dilanti splikashon di e esensia di algun konsepto importante i interesante ku ta hopi uzá pero poko spliká. Ta trata di konseptonan polítiko i filosófiko manera edukashon popular, formashon emansipatorio, yu-di-Kòrsou nobo, patriotismo, dekolonisashon di mente, dekolonisashon di memoria, kolonialismo krioyo, pobresa kultural mental, forsa berdadero di un movementu sosial polítiko i formashon di kuadro. E buki ta finalisá ku tratamentu di e konsepto “movementu lider”. E obra “Fundeshi di kambio” ta skirbí pa e hurista i antropólogo kultural mr. dr. René Rosalia, lider polítiko di Movementu Kousa Promé, presidente di Fundashon Stripan i kordinadó general di Museo di Tambú Shon Cola. E akto seremonial di boutismo ta tuma lugá:
Dia: Djaluna 5 di yüni 2023
Lugá: Sede di Movementu Kousa Promé na Duminguitu Papayaweg 14
Ora: 6.30 pa 8.30 pm
Un i tur ta kordialmente bonbiní. Entrada ta grátis
1 comment
[…] Source link […]