Director di APA Marc Figaroa: Si tur cos cana manera mester ta APA ta firma cu sindicato FTA e siman aki

Manera nos tur sa 5 di mei ultimo trahadonan di APA a sali pafo y a protesta hunto cu nan sindicato FTA . Despues un luna EA News a haci e pregunta na director di APA kico ta e situacion actual si a logra yega na mesa y si lo logra pa firma e CAO cu e trahadonan. 

Director di Aruba Ports Authority Marc Figaroa ta duna di conoce cu gerencia di APA cu FTA a yega un acuerdo y si tur cos cana manera mester ta e siman aki lo firma e CEO cu sindicato FTA. Director di APA te ainda no ta compronde dicon tabatin e walk out mirando cu semper den negociacion tabata cerca di otro. 

Tabata na mesa y e diferencia cu tabatin no tabata nada grandi cu no por a sali for di dje. Na mes momento ta kere cu ta importante cu tur trahado tin tur informacion concreto. APA di su banda semper ta dispuesto pa contribui pero e mester ta na un forma responsabel pa asina garantisa e bienestar di APA.