Dia 11 di yüni un delegashon di direktorado di planifikashon i desaroyo konsistiendo di direktor Marlon Martina, hefenan di departamento Edsel Winklaar i Maurice Adriaens i mènedjer di proyekto Joselito Statia a biaha pa Hulanda.
Nan ta na Hulanda pa un bishita di trabou i dia 23 di yüni nan ta regresá Boneiru. Meta di e bishita di trabou ta pa sigui elaborá e palabrashonnan tokante desaroyo di área, hiba kòmbersashon ku diferente ministerio i stakeholder, tene kòmbersashon di kolaborashon ku diferente munisipio i finalisá e parti tékniko di e plan di mantenshon di kaminda. 