Un fin di siman yena cu informacion educativo riba 100 ora di training pa siña di ta un “executive protection” Bodyguard. E grupo cu a tuma e curso a ricibi nan materialnan pa studia, pero tambe a bay veld pa haya e parti disciplina y protocol cu mester haci. Tambe a haci un escenario bibo na hotel pa asina sinti y sa kico ta e trabou den bida real.
Diplomatic Security Services International ta gradici Ares Executive Protection di Aruba cu a acerca nan pa preparacion di su miembronan y na mes momento tin esunnan cu t’ey caba up to date. Por bisa cu generalmente e training a bay bon .
Importante ta cu tin personanan cla pa eherce e trabou aki, e demanda ta asina halto unda cu rond mundo ta pidi pa haci e trabou aki. No ta un secreto cu despues di COVID hopi situacion a cambia unda cu menasanan a subi y e intimidacionnan a subi hopi.
Deonarine Fluonia ta propietario di Diplomatic Security Services International ta duna di conoce cu mirando e demanda cu ta creciendo mester por train por lo menos 40 pa 50 agent den kwartaal di aña pa nan ta prepara y tuma trabounan. Mester cana segun e cambionan di mundo pa asina duna e servicio manera mester ta.
Disciplina ta un herment hopi esencial den e area di “executive protection”, despues a traha riba e parti fisico, Self-defense, conoce bo curpa, conoce tipo di armanan,contradeci atakenan , formacionnan pa deal cu clientenan sea cu ta diplomatico of no. Importante ta pa reconoce cada situacion y sa con pa deal cu cada situacion. Cada situacion tin su formacion pa cu proteccion pa cu e cliente.
“executive protection” ta un bunita trabou y e ta tanto pa hende muhe y hende homber. E biaha aki tabatin 3 hende homber y 3 hende muhe. Semper lo traha den grupo chikito pa asina dedica e tempo pa por compronde e materia bon pa por forma pa ta un agent.
E curso aki ta hopi bon pa companianan siguridad y of personanan cu ta bay proteha politiconan durante di campaña e ta hopi bon pa haya e curso aki mirando cu lo tin un amplio conocemento y bista riba e posibel peligernan cu lo tin rond.
Ta siña diferente formatonan dependiendo kende lo bay proteha. Por ehempel un diputado y of un minister ta haya un proteccion diferente cu un executive cu ta doño di companianan,restaurant, dokternan ect ect. Tambe ta haya e prome auxilio pa asina si algo pasa con nan por atende cu e cliente. Tambe e maneho di diferente arma con como agent bo por proteha bo mes si algo mester pasa, pero tambe kico ta e ley mara tras di e mal uzo di arma. Den pasado hopi hende ta tuma e curso dies pa nan tuma e acceso di arma y esey ta un BIG no pa por sigui e curso.
Esunnan cu tin deseo di haci e curso di “executive protection” lo pasa den screening necesario manera di siguridad nacional pa mira si ta apto pa e curso y tambe ta haci un screening cu diferente persona den comunidad pa asina mira si por haci e curso.
Tambe ta siña con por subi y baha un cliente for di auto y cu e cliente ta keda cu su proteccion. E curso di 100 ora a duna tur loke ta un tarea di un Bodyguard profesional. Esnan interesa por yama pa mas informacion na 740-000
