Ku gran plaser Boneiru ta anunsiá nasementu di e promé beibi di aña 2025! Apénas aña a kuminsá, i ya kaba nos komunidat a keda enrikesé ku un bida nobo.
Caelan Amari Janzen, nasé dia 2 di yanüari 2025, ku un peso di 3210 gram, ta marka un komienso nobo yen di speransa i felisidat pa nos isla.
Nos ta deseá su mayornan i su famia orguyoso hopi amor, salú i alegria den e kapítulo nobo akí. Nos deseo ta pa e yu chikitu akí por lanta den un hogar kaluroso i krese bira un strea briante den nos komunidat. Masha pabien!