FAVI ta un fundacion cu ta apoya y yuda tur esnan cu di un of otro motibo tin problema cu nan bista. Sra. Sari Wernet kelly cu ta un terapista di FAVI ta duna di conoce cu nan a sali riba caya cu nan clientenan pa un training pa uzo di garoti y haci conscientisacion den trafico.
Sinembargo te ainda tin automobilistanan cu tin duda na momento cu nan mester para ora di mira un persona cu garoti. E trafico di Aruba no ta custuma di mira persona nan asina riba caya cu garoti, pero na mes momento ta sinti na unda e respet den trafico ta wordo duna na personanan cu problema cu bista. Sinembargo tambe ta tuma nota cu ainda tin personanan cu no sa ki momento mester para pa e persona cu garoti, te ainda e automobilistanan tin duda den esaki.
