Campamento na Aruba a cuminsa 13 di April 2025 esaki ta e fecha stipula cu cuidadanonan cu a pidi un permiso pa campa cu nan por cuminsa campa. Nos di EA news a core rond y a bin combersa cu Mientje Kelly cu ta campa tur aña y na nan luga, esta e spot di linear park. E aña aki ta e di tres aña cu ta campa na linear park , pero Mientje mes tin 53 aña ta campa na diferente caminda rond di Aruba.Su prome campamento tabata cu 6 aña hunto cu su famia. Durante aña e la hinca su casa y su famia, su yiunan y su nietonan den e tradicion di famia aki. E bunita di esaki ta cu e famia completo ta hunto y tambe nan amigonan ta bin y asina ta pasa momentonan bunita cu otro.
E mas dushi di campamento ta na momento cu ta lanta mainta unda cu ta lanta den otro ambiente y ta scucha e bestianan y e naturalesa cu nos tin. Esaki ta e miho parti di campamento y tambe ta relaha di tur e stress cu tin di tur dia. Na momento cu ta campa ta henter e famia ta bini hunto pa asina prepara tur cos , berdad por a cuminsa campa awe mes dia 13 di April , pero e realidad ta cu e prome dianan ta organisa unda cu henter famia ta yuda, pero despues cu scol cera ta e momento cu ta cuminsa campamento. Tambe sra Mientje ta conseha e hubentud pa keda leu di alcohol y droga algo cu ta haci hopi daño den e temporada aki.
