Den oranan di diahuebs anochi central di polis a ricibi notificacion cu tin un accidente
grave a caba di tuma luga riba caminda Mitologia. Un tata y su yiu muhe tabata
coriendo riba Caminda Mitologia ariba un brommer di cross, na dado momento e brommer
a sufri un fayo mecanico y nan mester a para canto di caminda pa drecha e problema.
E casa di e chauffeur di brommer tabata den cercania den su SUV compañando su pareha y
su yiu ora cu a sosode un tragedia cu ningun hende por a spera. Diripiente un pick-up a
aparece riba velocidad halto a accidenta riba e parti patras di e SUV y como
consecuencia di esaki tata y yiu a keda pega bao di nan propio SUV.
E yiu muhe a keda pega bao di e SUV , bomberonan mester a presenta pa saca e
heridonan di bao di e SUV. E chauffeur di e pick-up cu a ocasiona e accidente tambe a
haya corta nan serio na su cabes debi na e impacto violento. Ambulance a transporta tur
e heridonan pa hospital CMC na Corsou pa tratamento.