Den un hecho sin precedente cu a wordo registra den corte di husticia na Corsou, un
mama di 8 yiu a cay na rudia pa pidi e hues laga su actual pareha bay. Den e caso
penal cu tabata wordo atendi a resulta cu e cabayero cu ta actual pareha di e señora,
pa basta tempo tabata viola y abusa di un di e yiunan muhe menor di edad. E abuso di
e damita menor aki, segun reportenan, a bin ta tuma luga di manera prolonga y
constante, pa tal motibo a detene e acusado. Den e caso pro-forma cu a tuma luga
diaranson ultimo den corte na Corsou, cosnan a dal un buelta ora cu e señora di e acusado y mama di e victima a bira emocional, a cay na rudia pa pidi e hues pa laga su casa bay liber pasobra hunto
nan tin 8 yiu. Aparentemente ta e acusado ta esun cu ta trece pan riba mesa y debi na
presionnan economico e mama a haci e apelacion dramatico na e hues. Hues na su
turno no a ni inmuta su mes y a dicidi di prolonga e detencion di e acusado
preventivamente, pa e acusado warda riba e tratamento di su caso den promer
instancia cu ta riba agenda te december 2025.