EANews a raporta e incidente di un habitante di South Reward cu tabata canando ariba Okra Road cu a sostene heridanan serio ora cu 4 pittbull a atake. E victima, un homber cu ta labora como handyman yama Alex Jones a wordo mordi salvahemente pa e cachonan di rasa aki. Cu urgencia personal di ambulance a transporta e herido pa St. Maarten medical center pa tratamento medico urgente pa e multipel mordidanan cu e cabayero a ricibi.
Despues di e incidente polisnan a tuma declaracion di e victima y e doño di e 4 cachonan. Den combinacion cu e oficina di Procuradeur, KPSM a start un investigacion y a cuminsa un accion
legal contra doño di e cachonan. Ayera Cuerpo Policial di St. Maarten a haci acto di presencia na e direccion ariba menciona y a confisca e 4 cachonan envolvi den e atake violento. Oficialnan, cu permiso di e Oficina di Procuradeur, a drenta e propiedad di e doño na Okra Road.
Posteriormente e 4 cachonan a wordo trankilisa y removi for di e tereno cu ayudo di un veterinario local, actuando riba ordo di e Oficina di Procuradeur. E animalnan a wordo transporta pa e clinica veterinario.
KPSM kier a recorda doñonan di cacho pa tuma preacausionan pa sigura nan animal. Un cura halto, cadena y supervision constante ta hopi importante. Rasanan di cachonan grandi of agresivo mester ta sigura na tur momento pa evita un menasa pa publico.
Posteriormente e 4 cachonan a wordo trankilisa y removi for di e tereno cu ayudo di un veterinario local, actuando riba ordo di e Oficina di Procuradeur. E animalnan a wordo transporta pa e clinica veterinario.
KPSM kier a recorda doñonan di cacho pa tuma preacausionan pa sigura nan animal. Un cura halto, cadena y supervision constante ta hopi importante. Rasanan di cachonan grandi of agresivo mester ta sigura na tur momento pa evita un menasa pa publico.
Como doño di cacho bo por hasta haya castigo di prizon, ta recomenda tur hende pa atende nan mes na e recomendacionnan ariba menciona.