Djawebs mainta e Sentro di Operashon Marítimo di Wardakosta a risibí un petishon di un boto charter na Klein Kòrsou. Nan a indiká ku un turista abordo di e boto di charter a keda leshoná i mester a ser hiba ku urgensha pa hospital. E hómber Merikano di 61 aña a bula for di e boto charter pa dùik den laman i a leshoná su mes gravemente na momento ku e la bula.
Despues di a risibí e notifikashon Wardakosta a yama e dókter di CITRO pa konseho, kende a konsehá pa transportá e hòmber pa hospital mas pronto posibel pa e risibí tratamentu médiko. Mesora Wardakosta a dirigí e helikòpter di Wardakosta pa Klein Kòrsou pa evakuá e hòmber. E hòmber a ser hiba ku helikòpter pa aeropuerto Hato, unda ambulance tabata ward’é. Wardakosta ta deseá e hòmber pronto rekuperashon.