Un grupo di studiantenan MBO a disfruta di un mita dia di un evento interactivo cu un programa enfoca ariba e mundo di Vacation Ownership. E meta di e programa tabata pa crea conscientisacion riba e carera y oportunidadnan cu ta existi dentro di e indutria aki na Aruba. Studiantenan entre edadnan di 16 – 17 aña a topa otro na La Cabana Beach Resort & Casino Ballroom despues di un introduccion a keda dividi den diferente grupo pa un reto yama Career Scavenger Hunt, unda a bishita cinco departamento di e hotel pa haya un experiencia den persona bao guia di empleadonan.
Durante e tour di e hotel, studiantenan a siña traha un mocktail perfecto, traha postre, crea t-shirt creativo, mientras nan a bay for di Food & Beverage te cu Departamento culinario y Departamento di Actividadnan, hayando nan mes rond di e hotel ta purba di resolve diferente puzzel y wega.
Mientras nan a bini hunto atrobe, pa algun snack y bebida, nan a topa cu e reto pa henter e grupo, na unda nan mester a pensa y produci hunto un concepto inovativo pa eleva e pool cabana, diseña pa cumpli cu necesidad di e bishitante, y nan famia. E presentacionnan cu a sigui despues a haya aplauso for di tur presente den e evento,
Aruba su studiantenan ta hopi creativo. Presidente di ATSA, Sulaika Kelly, Playa Linda, a splica e programa titula World of Vacation Ownership, ta para pa un bista tras di cortina den loke ta e industria aki, cu e meta particular pa enfoca riba esnan mas vocacional y practico. E studiantenan a ricibi gua pa medio di La Cabana Beach Resort & Casino na unda nan a descubri kico realmente e industria tin pa ofrece. Esaki a inclui interaccion cu profesionalnan hoben, cu ta traha n’e resort y eplorando opcionnan pa carera. E programa a reta studiantenan pa traha den grupo y crea un conscientisacion profesional for di comienso.
E mainta tambe a inclui un photobooth 360, algun tas cu regalo, snacks, y pausa pa sinta bebe algo y relaha, prome cu regresa na nan scolnan. P’e educacion vocacional secundario, pa compronde hospitalidad, y mas importante e sector di timeshare, ta algo hopi vital. E ta representa un segmento grandi den e mercado di turismo global, ofreciendo modelonan di empleo unico den benta, marketing, y maneho di hotel. Kelly a gradici tur partner for di Universidad di Aruba, y comunidad di comercio pa yuda organisa e evento exitoso aki hunto cu lo ripiti.
