E diferencia di entrada na nos isla bisiña, Corsou ta grandi, segun investigacion y analisis conduci pa CBS basa ariba e Censo ( Senso 2023). Segun e oficina di estadistica di Corsou, hogarnan den e bario di Mahaai tabata tin un entrada averahe pa luna di 23.000 florin, mientras cu hogarnan den e bario Scharloo tin un entrada promedio di net un tiki mas di 3.000 florin pa luna. Den barionan manera Spaanse Water y Oostpunt tambe e entradanan ta halto, yegando un promedio di 17.000 y 20.000 florin pa luna respectivamente. Mientras tanto un bario manera Fortuna, tin un averahe di algo mas di 4.000 florin di entrada mensual.
Entradanan na Corsou no solamente tin diferencianan entre cada bario, pero tambe ta depende di cuanto persona ta contribui na e entrada di e hogar. For di cifranan di e Censo tambe por conclui cu den casnan caminda ta 1 persona so tin entrada, tin substancialmente menos entrada compara cu hogarnan caminda tin mas habitante di e cas ta contribui. Un cos ta sigur, cu e diferencia ta hopi grandi di entrada ta keda crece na Corsou, segun CBS y e cifranan di Senso 2023.