Diabierna ultimo na Hotel Embassy Suit tabata un dia di informacion riba e Rijkswet HOFA. Despues cu Gobierno di Aruba AVP-FUTURO a bypass Parlamento di Aruba y a bay gaña Rijksminister Raad na Hulanda cu e Rijkswet HOFA tin consensus di Parlamento di Aruba, E gobienro di AVP –FUTURO a haye ta baha cabes y informa , pero lamentablemente no a informa Aruba den su totalidad , pero tras di un porta cera cu miedo pa e berdad Sali afo.
E tres cabesnan di gobierno di Aruba esta Prome Minister Mike Eman, Minister Gerlien Croes y Minister Geoffrey Wever a Sali pafo porfin y yama un conferencia di prensa despues indicando cu tur cos ta bon y positivo, pero e realidad ta otro. Pa di prome tur esnan cu mester tabata presente den e sala no a haya invitacion , pero ta solamente e compinchinan cu ta followers y ja knikkers di Gobierno di AVP –FUTURO tabata un mayoria den sala, oposicion di parlamento esta MEP y PPA no a wordo invita y tambe tabatin un cantidad grandi di sindicatonan y gremionan cu no a wordo invita, prensa tampoco no tabata den sala pa haci pregunta pa informa pueblo di Aruba di e berdad.
Un sala cu a haci diferente preguntanan cu tin algun pregunta a keda contesta pero mayoria di e preguntanan no a wordo contesta, esaki a pone cu mayoria persona a rabia y bandona e sala trempan tambe. E presentacion di Rijkswet HOFA cu a tuma luga na Embassy Suit tabata simplemente un show y pa ilustra cu a duna informacion , pero e realidad y berdad tabata otro. Tampoco media no a ser invita pa por haci preguntanan concreto y tampoco no a bay live pa pueblo haya sa e berdad SKUR di e Rijkswet HOFA cu e tres cabes nan di Gobierno di AVP –FUTURO kier horca Aruba cu ne y pa Aruba bay bek na rudia manera prome cu aña 1986.
Na nos mesa di redaccion a yega varios informacion di decepcion di loke cu gobierno di AVP –FUTURO kier haci cu Aruba, Mike Eman cu no tin e curashi di para e situacion aki y para pa loke su propio welo, tata y ruman a lucha pe ta muestra di e incapacidad di por maneha un pais. Minister Geoffrey Wever cu un hamber pa placa “haragan pa placa ” unda cu kier hunga e rol riba cu Aruba ta haya porcentahe abou y ta ricibi mas placa pa por inverti porehempel proyectonan PPP cu gobierno di AVP-FUTURO kier bin cu ne. No ta desconoci cu e mes un minister aki Geoffrey Wever tabata abogado di e proyectonan PPP den pasado cu a hinca Aruba den e debe astronomico cu Aruba a haya su prome KB unda cu ainda por corda cu Mike Eman a bay bebe inshure dilanti di oficina di gobernador.
Mirando e desaroyo aki Prome Minister Mike Eman no a siña su les y un biaha mas ta permiti pa traiciona Aruba di e forma aki, den pasado e Proyectonan PPP a pasa y no ta descarta cu e abogado principal a sinti e dushi di e entrada cu e proyectonan aki lo por a trece, awe e ta den gobierno como minister y ta traiciona henter un pueblo , kibra un Pais moralmente pa un capricho pa sinti dushi di kico ya cu awendia e no ta abogado di proyectonan PPP mas?. Kisas tin un conflicto di interes ?
Tambe e reaccion di e sala cu por a haya di Minister Gerlien Croes ta tristo un berguensa, sala tabata decepciona mirando cu ta mira claramente cu minister Gerlien Croes no sa di kico e ta papia y of no a lesa e Rijkswet HOFA pa e sa di kico e ta trata , pero ta papia riba gevoel sin sa e materia, pa hopi den e sala di Embassy Suit minister Gerlien Croes tabata un berguensa y decepcion.