Resientemente Indebon a instalá seis rolluik na e bar i kushina di e fasilidatnan deportivo Jossy Boekhoudt Ballpark i stadion Antonio Trenidad na Rincon.
E rolluiknan lo kontribuí na un mihó siguridat pa e organisadónan durante nan torneo. Organisadónan por ta trankil den oranan di anochi.
Ademas di e rolluiknan por mira ku na diferente fasilidat deportivo a instalá tambe portanan ku man moderno. Ku man moderno nos ta referí na portanan kaminda atrabes di un sistema digital por habri esakinan. Di e manera aki e tualètnan i kambernan pa kambia paña ta mas aksesibel pa skolnan i ekiponan deportivo ku ta hasi uso di e fasilidatnan.
Banda di e echo ku e rolluiknan i portanan ku man moderno ta brinda mas siguridat, nan ta duna un bista mas bunita i moderno tambe. Asina lo bai tin mas kambio na diferente fasilidat deportivo, pa sigui hasi nos fasilidatnan mas moderno i mas atraktivo.
Press release: Gobièrnu di Boneiru
