Durante un seremonia militar riba djaluna, 3 di novèmber 2025, den oranan di mainta, Kompania Rotashon 49 a entregá su tareanan na e siguiente unidat, Rotashon 50. E Komandante nobo, Kapitan Roderik Willems di Schaarsbergen, a tuma mando di su predesesor, Mayor Marco Kamphorst, durante un seremonia di e entrega tradishonal di rema.
Despues di mas ku kuater luna intensivo den Region Karibe, Mayor Marco Kamphorst ta wak bèk ku orguyo riba e kolaborashon i entrenamentu di e di 43 Eskuadron di Rekonosementu di Brigada (Brigade Verkenningseskadron BVE) for di Havelte. Pa e despliegue aki, BVE 43 a wòrdu reforsá den e despliegue aki ku un peloton di rekonosementu di ingeniero di Wezep i dos grupo di evakuashon médiko di Havelte. “Pa e unidat, e tabata un oportunidat úniko pa trein den e klima tropikal aki i kolaborá ku CZMCARIB i partnernan di seguridat lokal. Nos a siña hopi di operashon den e kondishonnan difísil di Region Caribe komo parti di e sede konhunto di CZMCARIB.
Kòrsou, Boneiru, i Aruba a brinda e pelotonnan di rekonosementu e oportunidat pa engrandesé nan abilidatnan militar general, i tambe pa entrenamentu mas spesialisá, manera tareanan di rekonosementu i vigilansia táktiko i tékniko, kombate di serka, (Close Quarters Battles) i despliegue di sistemanan no tripulá i drone. Fuera di por a traha riba oumentá nos propio preparashon operashonal, nos a kolaborá i entrená tambe ku e militarnan di Kòrsou, unidatnan di CZMCARIB, i partnernan lokal di seguridat. Tabata remarkabel pa mira kon, apesar di diferensianan den antesedente i métodonan di trabou, nos por a kontribuí konhuntamente na seguridat i stabilidat. Ounke tin biaha nos mester a ahustá nos ambishonnan, e periodo aki no solamente a oumentá nos konosementu y abilidatnan, pero tambe a fortalesé nos konsientisashon situashonal y lasonan ku nos partnernan den Caribe.”
E kompania Charlie “Tiger” ta kuminsá ku su di sinku rotashon den Region Caribe. Kapitan Roderik ta ansioso pa traha i trein ku su unidat den region. Komo parti di e di 11 Batayon di Infanteria, e Regimentu di Guardia di Granadero i Kasador (Grenadiers/Jagers), nan ta wòrdu desplegá normalmente for di helikòpter òf ku parashüt, denter di e tres mishonnan prinsipal di e forsanan armá. E kompania ta entregá poder di kombate di kalidat haltu riba tera i for di laira. Komo un kompania den Wèst, e énfasis ta prinsipalmente riba operashonnan na pia. Durante e próksimo kuater lunanan, e unidat lo wòrdu reforsá ku kapasidat médiko di e di 11 Kompania Médiko i un grupo di sistemanan aéreo no tripulá (Unmanned Aerial Systems UAS) ku drone. Ademas di ta kla pa realisá mishonnan pa CZMCARIB, e enfoke lo ta riba su propio programa di entrenamentu. E klima i medio ambiente ta proveé un oportunidat ekselente pa traha riba desaroyo físiko i mental, liderazgo i determinashon denter di e unidat. Kapitan Roderik ta ansioso pa kolaborá ku partnernan di seguridat lokal i ta spera di bai hasi di esaki un periodo agradabel i produktivo.
Ehérsito Real di Hulanda tin un kompania permanente den Region Caribe. E unidat aki, komandá pa CZMCARIB, por wòrdu desplegá pa un variedat di tarea. Durante e próksimo kuater lunanan, e kompania lo ta train na Aruba, Boneiru, i tambe na Kòrsou.
