Lider di partido MEP a yama un conferencia di prensa di caracter di urgencia unda cu ta informa comunidad di Aruba cu profesor di Hulanda Elsinga a duna un conseho riba e tema di ley di Reino HOFA despues di e reunion cu a tuma luga diabierna ultimo na parlamento di Aruba riba e ley di Reino HOFA despues cu fraccion di AVP –FUTURO cu excepcion di Mike de Meza a duna gobierno di AVP –FUTURO e consensus cu forsa retroactivo.
Mirando e echo aki profesor Elsinga ta pidi atencion urgente riba diferente punto di consecuencia serio pa Aruba cu e ley di HOFA ta trece pa Aruba. E ley di HOFA ta contra di constitucion di Pais Aruba y profesor Elsinga tabata bon cla den su ponencia cu si Aruba kier desvia di constitucion di Pais Aruba y pasa e ley di HOFA e no por haci esaki cu 11 voto na fabor , pero e mester haci esaki cu dos tercera parti di parlamento cu ta minimo 14 voto na fabor. Den e caso aki e gobierno di AVP –FUTURO tin solamente 11 voto y esaki ta significa cu gobierno di AVP –FUTURO no por aproba e ley di Reino HOFA.