Situacion na parkietenbos ta algo hopi serio , tin diferente sushi cu ta bay riba dump , pero kico ta e maneho di mata? Si berdaderamente a haya aprobacion pa kima mata esaki ta mustra claramente cu no tin un vision pa desperdicio y mata na Aruba. Aruba for di varios tempo caba ta promoviendo agricultura y cria di bestia, sinembargo e bestianan ta come mata, hopi biaha propietarionan di rancho cu ta cria bestia ta busca mata pa cria nan bestia , dicon esunnan di enbes di hiba mata dump , por yega na areglo cu criadonan di bestia?
Kico ta stroba pa esaki bira un win win pa Aruba ?. Ta mira claramente no tin un vision, no tin un motivacion pa loke por haci rond di desperdicionan principalmente mata cu por keda recicla bek pa bestianan come enbes di keda manda dump y kima esaki. Pa dia hopi mata canto di caminda ta ser corta, bon mata cu bestianan por come, pero lamentablemente no tin un maneho y of un vision pa keda implementa.
E situacion na dump ta preocupante e team nobo di Serlimar tin hopi trabao pa haci , pero e gana tey ? desde cu nan a keda instala no a mira un adelanto y tampoco un vision na unda kier hiba dump y kico realmente ta haciendo pa trece un solucion. Aruba tin mester di boso experticio pa por logra trece un cambio pa parkietebos (DUMP), ban cuminsa pone man na obra.
Aprobacion pa kima mata algo condenabel
