Den Centro Deportivo Betico Croes na Santa Cruz a tuma lugar e weganan di Basketball escolar 2025 organisa pa IBiSA Aruba. Despues di a bataya fuerte contra e team di Educampus e Filomena College MAVO boys Keondre Harrigan, Jaylan Ridderstaat, Shane Cuevas y Michelangelo Hazel a skirbi e titulo di campeonnan di Basketball Escolar IBiSA 2025 riba nan nomber.
Algun scol cu nan a elimina riba e caminda pa victoria tabata Abraham de Veer school, EPB Hato y Monplaisir College. E deportistanan aki tabata bou guia di meneer di Gym Roan Petronia kende nan ta gradici pa e guia.