E Ministerio di VROMI ta contento pa anuncia cu a instala e weighbridge tan spera. Un “weighbridge” cu lo wordo uza pa calcula e cantidad di desperdicio cu ta bay riba e Landfill. E “weighbridge” cu ta ser instala por sostene te 80 ton y lo yuda cu colecta data y introduccion di tarifanan pa sostene financiamento di e sectornan di desperdicio den futuro.
E iniciativa aki ta parti di actividadnan pa mehora maneho di desperdicio bou di e Emergency Debris Management Program (EDMP), cu ta wordo financia via e Trust Fund. Den su esencia, EDMP lo financia rehabilitacion di e landfill actual y yuda cu modernisacion di maneho di desperdicio na Sint Maarten.
Durante e dia di awe, domingo mainta, representante di VROMI di National Recovery Program Bureau (NRPB) tabata na luga pa e instalacion cu tabata wordo haci pa AVTO y Elicom. Ministro di VROMI, Patricia Gumbs, a confirma cu durante e siman, e Ministerio lo ricibi entrenamiento riba e software y operacion di e mashinnan.
Ministro Gumbs a duna danki na e personal di su Ministerio, e NRPB, y e contractonan pa nan trabou continuo y dedicacion. E a enfatisa cu e cambionan cu ta bini ta necesario pa logra un futuro limpi y sostenibel cu nos tur ke pa Sint Maarten, y e a ripiti mensahe di e proyecto: nos mester hunto pa logra esaki!
Press Release Minister of VROMI Patrice Gumbs