For di 2023 bin ariba OPPA a bin ta ribapara cu ta perdiendo hopi miembro. Anja 2025 for di januari pa awo OPPA a perde mas cu 60 miembro. Ivo Valedes di OPPA ta indica cu na momento cu mester mira e ultimo paginanan den corant ta ripara cu hopi hende grandi ta muriendo, esaki ta un parti cu a motiva sr Ivo Valdes pa haci un investigacion y esaki a tuma luga tambe.
A traha un seleccion di obituario nan di 2024 y 2025 den e investigacion aki por a ripara cu na anja 2024 un total di 345 hende grandi a fayece y na 2025 di januari te cu november un total di 279 personanan grandi a fayece.
Sinembargo loke cu ta un realidad ta cu Aruba tambe tin un perspectiva di bida di hende homber y hende muhe, manera tur Pais e edad di hende homber ta 74 aña aki na Aruba y e hende muhe na Aruba ta 80 aña. Loke cu ta resalta ta cu di tur Pais ta e hende homber nan bida pa biba ta mas abou.
Den e investigacion a reparti e edadnan den rango do 60 -69/ 70—79/ 80-89 / 90-99 y 100-109, por a ripara cu na e rango di 60 -69 un total di 106 persona a muri den apenas 2 aña di tempo. Segun Ivo Valdes e por mustra poco, pero pa un Pais chikito manera Aruba e ta un cifra alarmante, segun Valdes algo ta pasando.
Net e grupo di adulto mayor den 60 -69 no ta cay den e categoria di envehecimiento tin mas cu 70 aña bo por cuminsa pensa cu bo dianan ta conta, pero si bo tin 60,61,62 aña, e fecha pa bay cu pension ta 65 y ainda kier hisa e edad di pension. E pregunta grandi ta keda te cuanto aña mas e persona nan aki por keda biba pa disfruta di nan pension.
Segun Ivo Valdes den su concepto , un gobierno cu ta traha bon mester tene cuenta cu e situacion aki. Nos tur por ta contento pa tin un AZV , pero e sistema di salubridad publico ta laga hopi di desea. No ta un secreto cu nos grandi nan ta pasa trabou pa haya un cita na dokter, principalmente na specialistanan unda cu ta tarda 4 pa 5 luna pa por haya un cita, esaki no por.
Lamentablemente netamente cu grandi cnan cu a traha y crea pa e fondo di AZV ta exitoso awe ta wordo trata manera nan no tin balor.