E lo percura pa un suministro di awaconfiabel den area di noord
,Dia 8 di december a tuma lugar e ‘final taking over ceremony’ pa e tanki nobo di Alto Vista. Minister encarga cu energia, Arthur Dowers, hunto cu CEO di WEB Aruba y CEO di partner di proyecto, Florida Aqua Store, a habri e cranchi principal cu ta laga e awa pasa for di e tanki pa Aruba su red di distribucion di awa. E proyecto di Tanki Alto Vista nobo ta forma parti di WEB su proyecto ‘Upgrade Aruba Water Distribution Network;’ un proyecto grandi cu ta encera renobacion di tankinan, pomp y tuberia rond nos isla, pero tambe den planta di WEB.Reemplaso di e tanki di awa tawata necesario pa por keda suministra awa di bebe di calidad den area di Noord, awor y den futuro.
E construccion di e tanki di awa nobo na Alto Vista no a bay facil y a dura mas cu tawata planea. Durante su discurso CEO Alfredo Koolman a splica cu e progreso na 2024 pa lanta e tanki tawata hopi impresionante. Sinembargo na momento cu e tanki tawata cla pa yena, el a cuminsa experencia lekkage. Esaki tawata debi na un defecto den e fundeshi di beton. Despues di bastante deliberacion a dicidi pa reemplasa e fundeshi di beton di e tanki pa un tecnica prueba cu staal.Unabes cu a dicidi pa esey, a logra un tremendo teamwork entre e teamnan di proyecto y di departamento di distribucion di awa, cual a pone cu finalmente a logra finalisa y pone e tanki nobo den operacion.
E tanki nobo ta traha di material sostenibel glass-fused-to-steel y tin un capacidad di 18800 m3 (6500 m3 mas cu esun bieu). Na november 2022 WEB a inicia cu e desmantelacion di e tanki di awa bieu. E desmantelacion tawata exitoso y a sigui cu preparacion di construccion di e tanki nobo.
Durante e ceremonia a gradici e habitantenan di Alto Vista pa nan colaboracion y comprension pa tur inconveniencia cu e proyecto a trece cu ne. Como muestra di aprecio y pa celebra finalisaciondi e proyecto, WEB a haci comodonacionnaKapel di Alto Vista un conexion gratis di awa pa por facilita toiletnanna e Kapel.
Como parti di e Upgrade Aruba WaterDistribution Network ta sigui cureemplasoditankinan di Jaburibari y Uratakacu un tanki nobo y lo construi un tankina Juana Morto. Ora ta asina leu, lo comunica debidamente cuhabitantenan di e barionan.
