Collective Prevention Services (CPS), un departamento bou di e Ministerio di Salud Publico, Desaroyo Social y Labor (VSA), a uni su mes na e comunidad internacional pa celebra Dia Mundial di Salud Oral (WOHD). Esaki a tuma luga diabierna 20 di maart, bou di e tema “Un Boca Felis ta… Un Bida Felis”, hunto cu e alumnonan di di dos grado di St. Joseph Primary School.
E studiantenan a ricibi informacion vital riba kico ta necesario pa un bon higiena oral. Nan a siña e tecnica di con pa skeiro djente y uza denta floss. Cada mucha a haya e oportunidad pa skeiro nan djente pa dos (2) minuut, uzando nan mesun “timer” individual. Tambe a presenta e buki “Melvin the Magnificent Molar,” scirbi pa Julia Cook y Laura Jana MD, na e scol, hunto cu un modelo grandi di boca y djente.
Ta recorda mayornan y tutornan riba e importancia di siña muchanan bon custumber di higiena oral for di trempan. Stimula mucha pa skeiro nan djente corectamente y consistentemente ta yuda pone e fundeshi pa salud dental durante henter nan bida. Bon practicanan di cuido oral estableci den infancia por preveni hopi problema dental comun mas laat den bida.
E celebracion anual aki ta resalta e importancia di un bon higiena oral y ta recorda publico cu mantene djente y kerki di diente saludabel ta un parti esencial di salud y bienestar general. Salud oral tin un rol grandi den bida diario. Djente y kerki saludabel ta yuda hende come debidamente, papia cla, smile cu confiansa, y evita dolor y incomodidad inecesario.
Un mal higiena oral por hiba na pusta di djente, malesa di kerki, holo malo di boca y otro complicacionnan di salud cu por afecta e calidad di bida di un persona. CPS ta anima habitantenan di tur edad pa haci cuido oral un prioridad diario y pa comprende cu prevencion ta cuminsa na cas.
Skeiro bo djente por lo menos dos biaha pa dia cu pasta di djente cu fluoride ta un di e pasonan mas importante pa proteha salud oral. Skeiro regularmente ta yuda elimina placa, preveni pusta, y reduci e riesgo di malesa di kerki. CPS tambe ta anima publico pa uza denta floss diariamente, reduci consumo di cuminda y bebida cu hopi sucu, bebe hopi awa, y bishita un dentista regularmente pa control y limpieza profesional. E custumbernan simpel aki por haci un diferencia significante den mantene e boca saludabel.