Gobierno di Aruba ta fortalece e relacion institucional cu Eerste Kamer
Den continuacion di e bishitanan oficial na Hulanda, Prome Minister mr. Mike Eman, hunto cu Ministro Plenipotenciario mr. Mildred Schwengle y delegacion di Gobierno di Aruba, a reuni diaranson mainta cu presidente di Eerste Kamer der Staten-Generaal, Mei Li Vos. E reunion a tuma luga den un atmosfera constructivo, caminda a dialoga riba diferente tema relevante pa futuro di Reino y e cooperacion entre Aruba y Hulanda.
Durante e encuentro, a intercambia pensamiento tocante e importancia di mantene un relacion di respeto mutuo, dialogo habri y cooperacion strategico den cuadro di Reino Hulandes. Tambe a trata diferente reto economico y social cu Aruba ta enfrenta, y e camindanan cu Gobierno di Aruba ta siguiendo pa logra un desaroyo mas balansia y sostenibel. A papia tambe tocante e importancia di cooperacion den area di investigacion, innovacion, gobernacion y fortalece nos instituonan gubernamental. Gobierno di Aruba a comparti su vision riba e necesidad pa crea oportunidadnan economico nobo y desaroyo sostenibel menera dos MoU firma cu Wagening University & Research pero tambe entre KLM, Royal Schiphol Group y Aeropuero Internacional Reina Beatrix.
E reunion cu presidente di Eerste Kamer ta forma parti di e agenda oficial di Gobierno di Aruba na Hulanda, cu tin como meta fortalece e relacionnan politico, economico y institucional entre Aruba y diferente socio den Reino.
Comunicado di gobierno di AVP-FUTURO
