E “Koko” di e Supervision Financiero: Pior cu e Pre-supuesto di 2014
Oduber a recorda e pueblo cu e situacion actual ta masha hopi mas serio cu e crisis di aña 2014, ora cu Prome Minister Mike Eman a drenta den un welga di hamber contra Hulanda pa motibo di e firmamento di e presupuesto.
“E tempo ey mi a para banda di dje, mi a keda kere, pasobra mi tabata di opinion cu Hulanda no por mete,” Oduber a splica. “Pero awe nos ta papia di un ‘koko’ cu ta mil biaha mas grandi y mas erg cu un presupuesto.”
E lider di PPA a cuestiona e postura di e lider di AVP, Mike Eman, cu recientemente den un debate net prome cu eleccion a declara di ta contra e Rijkswet HOFA. Oduber ta haya contradictorio cu ta awor, den campaña electoral, ta asumi e posicion aki, mientrastanto e peliger legal ta batiendo na porta.
E concepto fuerte di Raad van Advies (Conseho Consultativo), Oduber a splica cu finansa publico ta un landsangelegenheid un asunto interno di Aruba structuralmente proteha pa Articulo 43 di Statuut di Reino. E intento pa uza Articulo 38 di Statuut pa pasa e supervision aki cu un mayoria simpel di apenas 11 voto den Parlamento ta, segun e, un acto inconstitucional.
“Bo no por regla den un Landsverordening cu un mayoria di Parlamento di 11 hende, algo cu ta hinca den bo Staatsregeling. Si bo acepta esaki, bo ta bay contra bo propio Constitucion,” Oduber a asentua.
Segun e lider di partido PPA, pa por cambia e derechonan aki, mester di un mayoria cualifica de dos tercera parti (2/3) di Parlamento. Sabiendo cu esey no ta legalmente built-in den e constelacion actual, Hulanda ta opta pa e via di “cushina.”
Entrega di Autonomia pa un “Pouch di Placa”
E punto di mas critico den e declaracion di Oduber ta e condicionnan financiero cu Den Haag ta imponiendo riba Aruba, specialmente relaciona cu fiansa y refinanciamento di debe. Oduber a uza palabranan pisa pa describi e tactica aki:
“E chantaje ta tuma luga ora nan ta bisa: ‘mi ta duna bo un pouch di placa pa bo por regalami y bendemi e autonomia aki pa mi haya autoridad riba bo’. Esey ta loke comunidad mester compronde,” Oduber a conclui, alertando cu e futuro di Aruba su soberania legislativo y financiero ta core un peliger iminent si permiti e presion aki pasa asina facil
Violacion di e Staatsregeling y e “Chantaje” di Hulanda y gobierno di AVP-FUTURO ta permiti esaki
