Lider di fraccion di MEP Evelyn Wever Croes den parlamento di Aruba ta vocifera cu e ta lamenta cu un fondo di inversion a wordo aproba cu un mayoria minimo den parlamento di Aruba , un parlamento debil y un gobierno hopi debil , pero cu ta causando daño nan grandi na futuro generacionnan.
E poco parlamentario nan aki ta dies dicidi di hiba e direccion di Pais Aruba den un rumbo negativo. Sinembargo Lider di fraccion di MEP ta haci compromiso cu prome cos cu lo haci na momento cu drenta den gobierno bek ta cambia e ley y introduci e Checks and Balances cu Algemenerekenkamer y Raad van Advies a avisa pa hinca aden, lo haci esaki debi cu MEP ta enfoca pa haci lo corecto pa Pais Aruba.
Na mes momento lider di fraccion di MEP ta indica cu lo sinta y mira cua ta e sigiente politica lo cay pa corupcion, un minister of mas di un parlamentario. Esaki no ta un excusa, pero e realidad cu na momento cu ta cana dies mete den departamentonan di gobierno pa fix bo cosnan y lo wak con nan lo end op.
Den henter e reunion aki segun lider di fraccion di MEP , Lider di AVP Mike Eman a compromete cu prome cu e cambio, e HOFA manera cu nos conoce no ta bay door. Prome Minister di Aruba Mike Eman a compromete cu lo e bay negosha y haci cambionan di e consehonan cu Raad Van Advies y Raad van State a bin cu ne. Tambe prome Minister Mike Eman a compromete cu lo e bin padilanti prome cu decisionnan final lo wordo tuma.
Minister Wever a entrega y ainda ta pusha pa entrega Pais Aruba na Hulanda, esey lo keda den su consenshi pa resto di su bida y cu e rosea di un pueblo no ta cos pa hunga cu ne. Lider di fraccin di MEP Evelyn Wever Croes ta haci un apelacion na prome Minister Mike Eman pa no traiciona e lucha di Aruba y traiciona e legado di su propio famia y tampoco di famia Croes pero tampoco di e pueblo di Aruba.
E lucha di Eman y Croes a determina e DNA di Pais Aruba cu ta un pueblo luchado y orguyoso di tur loke nos a logra, no laga ningun hende kribe , asina Lider di fraccion di MEP Evelyn Wever Croes a dirigi na Prome Minister Mike Eman . No laga ni Hulanda y tampoco un par di Arubiano entreguista cu tin den gobierno na e momentonan aki.
E pregunta esencial ta . dicon duna den Haag e ultimo palabra riba nos finansas publico hustamente awo cu nos a demostra cu nos mes por?
https://vt.tiktok.com/ZSCGehtQa/