Despues di mas di un aña di gobernacion, e Gobierno di AVP-FUTURO ta confronta un bashi legal cu ta birando un obstaculo serio pa transparencia y responsabilidad gubernamental. E ausencia di e Landsverordening Instelling Ministeries (LIM) no ta solamente un fayo administrativo; e ta un señal preocupante di desorden den e nucleo di nos administracion publico, pero Staatsecretaris Eric van der Burg ta apoya e modus operandus aki, mirando su bishita na caminda.
Un labirinto di responsabilidadnan confuso
E confusion no ta un rumor, sino un realidad diario cu pueblo ta sinti. E falta di definicion legal di e carteranan ministerial a crea un situacion unda e fronteranan entre ministerionan a disparce:
Sin un LIM vigente, Parlamento ta wordo stroba den su funcion di controla e Poder Ehecutivo. Esaki ta e forma diabolico cu gobienro di AVP-FUTURO ta trahando. Con por exigi cuenta di un minister, si su areanan di responsabilidad no ta formalmente defini? E “chaos” aki ta facilita un cultura di iresponsabilidad, unda cu ora cos bay robes, ningun minister no ta sinti su mes plenamente responsabel, pero esaki ta e gobienro di Staatsecretaris ta sinta na mesa cu ne y ta deal cu ne , pero na bienestar di kico realmente ?
E LIM no ta un opcion, e ta un necesidad constitucional. E pueblo di Aruba merece un contesta directo riba e pregunta fundamental: Dicon despues di mas di un aña, Aruba no tin un LIM?
Loke nos ta mira no ta gobernacion moderno, sino un esfuerso fragmenta cu ta perhudica e credibilidad di e institucionnan gubernamental. Ta momento pa Gobierno pone su cas den ordo y duna claridad na e pueblo cu el a priminti un maneho transparente.
Sinembargo ta un berguensa y ta lamenta cu Gobienro di Hulanda,Staatsecretaris, eerstekammer y Tweede Kamer no sa cu ken realmente nan ta sinta na mesa , mirando con carteranan ta shobel den otro y asina mes Hulanda ta sinta na mesa cu Gabinete AVP-FUTURO?.