Rey Harald V di Noruega a fayece e diabierna aki, 28 di augustus, na edad di 89 aña, segun a keda informa den un comunicado di Kas Real Noruega. Na principio, e rey a drenta hospital debi na retenshon di likido relaciona cu un tratamento. Sinembargo, su situacion a complica ora a detecta un infeccion bakteriano den sanger, banda di e anemia hemolítico cu e tabata sufri di dje.
Rey Harald a fayece trankilamente den e Rikshospitalet riba diabierna 28 di augustus, pa 06:35 or,” Kas Real di Noruega a indica den un comunicado. Riba nan website, Noruega tabata den suspensoe desde ayera. Den su prome dianan di ingreso, e recuperacion di Harald tabata duna speransa. E monarca a reacciona bon riba e tratamento cu antibiotico y, dia 24 di augustus tras a traspasa, Kas Real a sigura cu e tabata stabiel y sin cambio significativo. No obstante, den un drastico cambio di evento, diahuebs mainta tempran nan a anuncia cu su estado a bira “masha grave.”
Den trono desde 1991, e monarca reinante di mas edad na Europa tabata sufri problemanan di salud cu tabata bira mas tanto den su ultimo añanan, pero el a nenga categoricamente pa abdica.
Na momento cu e noticia a sali a yega na cla, Palasio Real a cuminsa yena di ramo di flor y centenares di persona cu di manera spontaneoy sin por a contene nan lagrima no a duda pa acerca e residencia di e famia real.
E preocupacion pa e estado di Harald tabata notabel den e actividad publico di Koroña e ultimo dianan aki. Prins Heredero Haakon y Reina Sonia a scoge pa cancela nan compromisonan oficial pa concentra riba e monarca y keda na su banda durante e oranan aki di incertidumbre.
Hospital Nashonal di Oslo a bira e punto di encuentro principal di e famia real, kendenan a bay eynan di forma continuo desde cu e soberano a ingresá. Reina Sonia kende a pasa mas cu 10 ora den interior di e Rikshospitalet banda di su casa, cu ken e ta casa pa 58 aña. Prinsesa Astrid (94), ruman mayor di Rey y un di su sostennan mas grandi; e prinsesnan Haakon y Mette-Marit, tur dos cu un cara serio y na luto estricto y e bishita mas sorprendente cu ta laga tras un señal di un final inminente esun di e yiu di Mette-Marit, Marius Borg, kende ta cumpliendo un condena di cuater aña di prizon den regimen di ordo di cas cu vigilancia electronico na Skaugum, e residencia di e prinsesnan heredero, y lo a biaha pa hospital pa ta cerca di Harald, kende el a conoce for di chikito y semper a considera su welo.
Representantenan politico di Noruega a ‘paralisa’ nan agendanan y tanto e prome minister como e presidente di Parlamento di e pais skandinavo a cancela nan actonan institucional wardando e desenlace fatal.
Un figura di union den momentonan dificil
Su podernan limita como hefe di Estado, e rey a inspira union na Noruega, dunando semper e palabranan adecua den momentonan dificil.
Un di e momentonan ey tabata despues ku e neonazi Anders Behring Breivik a mata 77 persona den dos atentado riba 22 di yüli 2011, e masacre mas peor cu a tuma luga na Noruega desde Segundo Guera Mundial.
“Mi ta kere firmemente cu libertad ta mas fuerte cu miedo. Mi ta kere firmemente den un democracia y un sociedad noruega habri,” el a declara e tempo aya .
E rey tambe a adopta e balornan progresista di e pais skandinavo, locual el a enfatisa den un discurso cu motibo di su 25 aña como monarca, na 2016.
Tambe por a tuma nota cu Koning Willem-Alexander, Koningin Máxima y Prinses Beatrix a expresa nan pesame na famia di Rey Harald V di Noruega.
“Nos a keda profundamente tristo pa tende di fayecimento di Su Mahestat Rey Harald V di Noruega. Semper nos lo carga e recuerdo di nos amistad special cuné den nos curason. Rey Harald a sirbi su pais cu amor, orguyo y dedicacion. E momentonan cu nos a pasa hunto explorando Oslo y mas pariba tabata di berdad inolvidabel. Nos ta gradicido tambe pa e manera cu el a brasa Hulanda y e pueblo Hulandes. Na e momento tristo aki nos pensamentonan ta cu Reina Sonja, e famia real Noruega y e pueblo Noruega. Lo keda corda Rey Harald pa su capacidad pa amistad y pa hunto hende. Takk for alt.” ” Thank you for everything”