Streanan Deportivo 2026
edicion festivo di Streanan Deportivo 2026. Durante e evento aki, Indebon den cooperacion cu Fundashon Wega di Number Boneiru (FWNB), a duna homenaje na atleta- y entrenadornan cu a sobresali den e aña deportivo cu a pasa.
E edicion 2026 di Streanan Deportivo tabata un nochi inspirativo yena cu orguyo, aprecio y solidaridad. Diputado Silberie hunto cu señora Anna-Marie Mercera di FWNB a entrega premio na 53 persona, incluyendo entrenador, atleta adulto y atleta hubenil cu a sobresali den 2025.
Terrence De Jongh, hefe di Indebon, a duna un discurso di homenaje na Constantino “Patun” Saragoza. Patun tabata un atleta y entrenador y alaves un baluarte grandi den nos comunidad di Boneiro. Patun a participa na e Weganan Olimpico di 1992 y 1996 pa windsurf.
Cu e nochi festivo y di gala aki, Indebon y FWNB ta expresa nan gran gratitud na tur atleta y entrenador di deporte. Esaki ta conta tambe pa esnan cu fisicamente no por tabata presente. Nan dedicacion y perseverancia ta forma e forsa tras di e crecemento di deporte na Boneiro.
