Diahuebs 14 di october 2026 e prome bus pa transporte publico a yega nos isla. Entidad Publico Boneiro ta preparando e inicio di e servicio di bus, di tal manera cu dentro di poco e habitantenan por haci uzo di transporte publico.
Yegada di e bus ta un desaroyo importante pa Boneiro. Na cuminsamento di aña 2027 ta spera cuater bus mas. Te na e momento ey lo haci uzo di e prome bus riba un ruta temporal. Asina cu e otro busnan ta disponibel, lo amplia e servicio di transporte cu un esquema di ruta nobo. Den esaki Entidad Publico Boneiro ta traha huntu cu Autobusbedrijf Curaçao (ABC).
Diputado Dennis Martinus ta contento cu yegada di e prome bus:
«Nos ta sumamente contento cu yegada di e prome bus na Boneiro. Pa hopi aña caba hopi habitante tabata sperando riba esaki. Ta bunita pa mira cu transporte publico a cuminsa bira un realidad awor aki. Ta un facilidad importante pa nos comunidad.»
E servicio di bus ta destina pa tur hende. Den e periodo venidero lo anuncia mas informacion tocante e fecha di inicio, e rutanan, e paradanan di bus, e oranan di salida, e dianan cu e bus lo core y hopi mas.