E ta bishitando Boneiru pa 11 aña konsekutivo
Djarason último 16 di febrüari, Stephen Jones prosedente di Merka a keda honrá ku feneta di bròns en konekshon ku su di 11 aña di bishita na Boneiru. Tabata su amigunan Greg Buckles i Lauren Neely, ku tambe a risibí e distinshon aki den pasado, ku a introdusí Stephen pa risibí e rekonosimentu aki.
Helen Mercera a hasi entrega di e feneta di bròns i e sertifikado na Stephen i a gradisié pa a skohe Boneiru komo su destinashon pa vakashon i tambe a gradisí Greg i Lauren pa apuntá Stephen komo embahador di Boneiru.